24 Noyabr 2021 yil 300

Navoiyda 8 ta harbiy jamoalar o‘rtasida "Stol tennisi" musobaqasi bo‘lib o‘tdi

Sport-sog‘lik garovi. Jismoniy sog‘liq va ruhiy barkamollikni ta’minlashda sport o‘rni benihoya katta. Ayniqsa tinchlik va osoyishtaligimizni ta’minlashda kun-u tun xizmat olib borayotgan xodimlar uchun sport bilan shug‘ullanishning ahamiyati katta.

Xususan, “Viloyat Ichki ishlar organlari tizimida kasbiy tayyorgarlik oyligini o‘tkazish to‘g‘risida"gi 81-sonli farmoyishi talablariga muvofiq sportning “Stol tennisi” turi bo‘yicha “Navoiy viloyati Ichki ishlar boshqarmasi boshlig‘i kubogi ochiq chempionati” o‘tkazildi. O‘tkazilgan musobaqada 8 ta jamoa (Ichki ishlar boshqarmasi jamoasi, JIED jamoasi, Bojxona xizmati jamoasi, Adliya jamoasi, 7532-harbiy qism(Qorovul qo‘shinlari) jamoasi,
87214-harbiy qism(Milliy gvardiya) jamoasi, Harbiy prokuratura jamoasi va 7259-harbiy qism(Lochin jamoasi) ishtirok etishdi. Qizg‘in va murosiz kechgan bahslar yakuniga ko‘ra, ayollar o‘rtasida 3-o‘rinni Sitora Negmatova (Adliya boshqarmasi), 2-o‘rinni Mohinur Karimova(IIB) va 1-o‘rinni Gulchehra Abdiyeva(MG), erkaklar o‘rtasida esa 3-o‘rinni Zayniddin Sharipov (JIED), 2-o‘rinni Akbar Axmedov(Bojxona xizmati jamoasi) va 1-o‘rinni Gʻolib Sharipov(JIED)lar qo‘lga kiritdi.

Shuningdek juftlik bahslar (ayol va erkak) 3-o‘rinni “Ichki ishlar boshqarmasi jamoasi”, 2-o‘rinni
“7259-harbiy qism jamoasi” va faxrli 1-o‘rinni “Bojxona xizmati jamoasi” qo‘lga kiritdi. Gʻoliblikni qo‘lga kiritgan ishtirokchilar Navoiy viloyati IIB boshqarmasi boshlig‘ining diplom va qimmatbaho sovg‘alari bilan taqdirlandilar.

 

Navoiy viloyati IIB Axborot xizmati

Belgilangan matnni tinglash uchun quyidagi tugmani bosing Powered by GSpeech