11 Март 2023 йил
343
Навоийда ИИВ Академияси курсантлари учун маҳорат дарси ташкил этилди
Навоий вилояти ИИБ ҳузуридаги Тергов бошқармаси бошлиғи ва ИИВ Академияси профессор ўқитувчилари кундузги таълимининг 1-2 босқич курсантлари учун маҳорат дарсини ташкил қилди. Видеокоференс ўқув давомида фирибгарлик жиноятларини тергов қилиш ҳамда терговчининг бошқа соҳавий хизмат ходимлари билан ҳамкорлиги ҳақида сўз борди. Соҳага эндигина қадам қўйган ёш курсантлар учун соҳада учраётган муаммолар ва уларга ечим топиш борасида маълумотлар берилди. Бунда туманлар кесимидаги статистик маълумотлардан фойдаланилди. Маҳорат дарси якунида курсантлар ўзларини қизиқтирган саволларига жавоб олишди.
Навоий вилояти ИИБ Ахборот хизмати
